युनिट ०५, गुन्हे शाखा पुणे शहर
सराईत आरोपींकडुन ०१ गावठी पिस्टल हस्तगत करुन केले जेरबंद
पुणे शहरामध्ये अग्नीशस्त्र बाळगणा-या आरोर्षीची माहिती काढुन सबंधीत आरोपींवर कायदेशीर कारवाई करणेबाबत मा. वरिष्ठ कार्यालयातुन वेळोवेळी सुचना देण्यात आलेल्या आहेत. श्री. छगन कापसे, पोलीस निरीक्षक गुन्हे शाखा युनिट ५, पुणे शहर यांचे मार्गदर्शन व सुचनांप्रमाणे गुन्हे शाखा युनिट ५ पथक अवैध अग्नीशस्त्र बाबत गोपनीय माहिती काढत होते.
दि.२६/०१/२०२६ रोजी पोलीस अभिलेखावरील आरोपी चेतन बाळु जाधव हा मगरपट्टा ब्रीजखाली गावठी बनावटीचे पिस्टलसह येणार असल्याची गोपनीय बातमी गुन्हे शाखा युनिट ५ पथकडील पोलीस अंमलदार अमित कांबळे यांना मिळालेली होती. त्यावरुन वरिष्ठांचे सुचना व मार्गदर्शनाप्रमाणे मगरपट्टा ब्रीज खालील दुचाकी पार्किंगमध्ये हडपसर पुणे या ठिकाणी आरोपी नामे. चेतन बाळु जाधव, वय २५ वर्षे, रा. पाण्याच्या टाकीजवळ करंजे नगर शिक्रापुर चाकण चौक, पुणे यास ताब्यात घेवुन त्याच्या कब्जातुन ०१ गावठी पिस्टल हस्तगत करणेत आले. सदर आरोपी हा पोलीस अभिलेखावरील आरोपी असून त्याच्याविरुध्द विविध पोलीस स्टेशनला गुन्हे दाखल आहेत.
सदरची कामगिरी गा. अपर पोलीस आयुक्त, गुन्हे श्री. पंकज देशमुख, मा. पोलीस उप आयुक्त गुन्हे श्री. निखिल पिंगळे, मा. सहायक पोलीस आयुक्त गुन्हे २ श्री. राजेंद्र मुळीक यांचे सुचना व मार्गदर्शनाप्रमाणे पोलीस निरीक्षक श्री. छगन कापसे, गुन्हे शाखा युनिट ०५, पुणे शहर, पोलीस उप-निरीक्षक अभिजीत पवार, पोलीस अंमलदार तानाजी देशमुख, राहुल ढगढेरे, अगित कांबळे, परमेश्वर कदम, अगर चव्हाण, विनोद शिवले, शशिकांत नाळे, गणेश गाने, प्रताप गायकवाड, प्रगोद टिळेकर, अकबर शेख, पल्लवी मोरे, स्वाती तुपे, शहाजी काळे, प्रशांत कर्णवर, अविनाश इंगळे, नानासाहेब मोरे, नेत्रिका अडसुळ व नासिर देशमुख यांचे पथकाने केली आहे.
